Cigaal Shiidaad oo ardaaga fadhiya ayaa waxaa ku soo gurguurtey inankiisii (wiilkiisii) yaraa oo sanadka jirey. Mar kaasuu Cigaal Shiidaad dib u gurtey. Xaaskiisii oo meel aan ka fogey fadhida ayuu ku yidhi 'Naa iga qabo, naa iga qabo'. Xaaskiibaa ugu jawaabtey 'waar waa inankaagiiye muxuu ku jeelayaa'. Cigaal baa ku calyey markale 'naa iga qabo'. Hase ahaatee xaaskiisii dheg umey dhigin. Kii yaraabaa wali xagii aabihiis u sii gurguurtey. Cigaal baa warankiisii la soo baxey. Markaasuu intuu isla ka jiidey warankii ayuu inankiisii yaraa ku gamey. Warankiibaa kiiyaraa sigey oo ku dhacey agtiisa. Xaaskii Cigaal baa naxdey oo intey inankeedii la boodey tidhi 'habaar kugu dhacye caruurta hana leyn'. Cigaal baa kadibna yidhi naa sow ku maanan odhan naga qabo rag leykuma soo daayee.

_{Waa maxey dulucda (ujeedada) sheekadu? Ka dhiibo fikraddaada.}